მუხლი 1
რა არის GEOGID.GE და ვის ემსახურება
GEOGID.GE არის საქართველოს ლოკაციების ონლაინ სახელმძღვანელო — ერთიანი პლატფორმა, სადაც ნებისმიერ ადამიანს შეუძლია იპოვოს, გაიცნოს და შეაფასოს ქვეყნის მასშტაბით განლაგებული ობიექტები: კაფეები, რესტორნები, სასტუმროები, მაღაზიები, ბანკები, კლინიკები, გასართობი ადგილები, პარკები, ხედები და სხვა.
სერვისი მოიცავს ინტერაქტიულ რუკებს, კატეგორიების მიხედვით ძიებას, GPS-ით ახლომდებარე ობიექტების პოვნას, სამუშაო საათებს, მისამართებს, ტელეფონის ნომრებს და მომხმარებლის შეფასებებს.
სამიზნე აუდიტორია
ჩვეულებრივი მომხმარებელი
ადამიანი, რომელიც ეძებს ადგილებს — რესტორანს, სალონს, ბანკომატს ან საინტერესო ლოკაციას.
ბიზნესის მფლობელი
პირი ან ორგანიზაცია, რომელსაც სურს პლატფორმაზე წარადგინოს და განათავსოს საკუთარი ობიექტი.
ამ დოკუმენტში მოცემული პირობები ვრცელდება ორივე ჯგუფზე. საიტის გამოყენება ნიშნავს ამ პირობების სრულ მიღებას.
მუხლი 2
მომხმარებლის უფლებები და შესაძლებლობები
GEOGID.GE-ის ნებისმიერ ვიზიტორს, რეგისტრაციის გარეშე, უფასოდ შეუძლია:
- მოძებნოს ობიექტები სახელით, კატეგორიით ან ქალაქის მიხედვით
- ნახოს ობიექტის სრული გვერდი: მისამართი, სამუშაო საათები, ფოტო, შეფასებები
- გამოიყენოს ინტერაქტიული რუკა და GPS ნავიგაცია
- მიიღოს მარშრუტი ობიექტამდე Google Maps-ის გამოყენებით
- გააზიაროს ობიექტის ლინკი სხვებთან
- დატოვოს შეფასება (ვარსკვლავები) ობიექტზე
- გაგზავნოს რეპორტი არასწორი ინფორმაციის შესახებ
- მოითხოვოს ახალი ობიექტის დამატება სახელმძღვანელოში
- დააინსტალიროს GEOGID.GE PWA აპლიკაციის სახით ტელეფონზე
შენიშვნა: სერვისი სრულიად უფასოა ჩვეულებრივი მომხმარებლებისთვის. გამონაკლისია მხოლოდ Premium განთავსება ბიზნეს-ობიექტებისთვის, რაც აღწერილია მე-6 მუხლში.
მუხლი 3
აკრძალული ქმედებები
სერვისის გამოყენებისას მკაცრად იკრძალება:
- ყალბი, შეცდომაში შემყვანი ან ზიანის მიმყენებელი ინფორმაციის განთავსება
- კონკურენტი ბიზნესებისთვის ყალბი უარყოფითი შეფასებების დატოვება
- საკუთარ ობიექტზე ხელოვნური (ყალბი) დადებითი შეფასებების შექმნა
- სერვისის ავტომატური სკრეიფინგი, ბოტებით გამოყენება ან API-ის ბოროტად გამოყენება
- საიტის ფუნქციონირებაში ჩარევა, სერვერებზე დატვირთვის ხელოვნური გაზრდა
- სხვა მომხმარებლების პერსონალური მონაცემების შეგროვება
- შეურაცხმყოფელი, სქესობრივი, ძალადობრივი ან სიძულვილის მოტივით ნაწარმოები კონტენტის გამოქვეყნება
- კომერციული სარეკლამო კომენტარების (სპამის) განთავსება შეფასებებში
- ნებისმიერი ქმედება, რომელიც ეწინააღმდეგება საქართველოს კანონმდებლობას
შედეგები: დარღვევის შემთხვევაში GEOGID.GE-ს გუნდი იტოვებს უფლებას — შეფასება ან კომენტარი წაშალოს, ობიექტი დამატებაზე უარი გამოეცხადოს ან IP მისამართი დაბლოკოს, წინასწარი გაფრთხილების გარეშე.
მუხლი 4
ბიზნეს-ობიექტის განთავსება
ბიზნეს-ობიექტის დამატება GEOGID.GE-ზე ხდება მოთხოვნის ფორმის შევსების გზით (მთავარ გვერდზე). ბიზნეს-მფლობელი ვალდებულია:
- მიაწოდოს ზუსტი სახელი (ქართულად და/ან ინგლისურად)
- მიუთითოს სწორი მისამართი და ქალაქი
- მიაწოდოს მოქმედი ტელეფონის ნომერი
- მიაწოდოს ნამდვილი ელ-ფოსტის მისამართი
- მიუთითოს სამუშაო დღეები და საათები (საჭიროების შემთხვევაში)
განხილვა და გამოქვეყნება
ყველა მოთხოვნა GEOGID.GE-ის გუნდის მიერ სამინისტრო ვადის განმავლობაში განიხილება. GEOGID.GE-ს აქვს სრული უფლება:
- უარი თქვას ობიექტის განთავსებაზე, თუ ის არ შეესაბამება პლატფორმის სტანდარტებს
- შეცვალოს ობიექტის კატეგორია ან ფორმატი SEO-ს ან სტრუქტურის მოთხოვნების მიხედვით
- წაშალოს ობიექტი, რომელიც მოიძიება არარსებულად ან დახურულად
ობიექტის ძირითადი განთავსება უფასოა. GEOGID.GE-ს მიზანია საქართველოს ყველა ღირსეული ობიექტი ერთ სახელმძღვანელოში მოაქციოს.
ობიექტის მფლობელობა (უკვე განთავსებული ბიზნესის დადასტურება)
თუ ობიექტი უკვე განთავსებულია პლატფორმაზე, თუმცა თქვენ ხართ მისი მფლობელი ან უფლებამოსილი წარმომადგენელი, შეგიძლიათ მოითხოვოთ მისი მართვის უფლება ფუნქციით „ეს თქვენი ბიზნესია?". ამისათვის საჭიროა:
- მიუთითოთ თქვენი მოქმედი ტელეფონის ნომერი და დაადასტუროთ იგი SMS-ით გამოგზავნილი კოდით
- გაითვალისწინოთ, რომ ერთი ტელეფონის ნომრის დაკავშირება შესაძლებელია მხოლოდ ერთ ანგარიშთან
- დაელოდოთ GEOGID.GE-ის გუნდის მიერ მოთხოვნის განხილვას — მისი დამტკიცების ან უარყოფის შემდეგ შესაძლებელი გახდება ახალი მოთხოვნის გაგზავნა
უსაფრთხოებისა და ბოროტად გამოყენების თავიდან ასაცილებლად, SMS-კოდის გაგზავნას აქვს დროებითი და დღიური შეზღუდვები. ერთ მომხმარებელს ერთდროულად შეუძლია ჰქონდეს მხოლოდ ერთი განხილვის მოლოდინში მყოფი მოთხოვნა.
მუხლი 5
შეფასებები, კომენტარები და რეპორტები
GEOGID.GE-ზე ნებისმიერ მომხმარებელს შეუძლია ობიექტს მიანიჭოს ვარსკვლავიანი შეფასება (1–5). შეფასებები სისტემა ავტომატურად ითვლის და ასახავს ობიექტის გვერდზე.
შეფასების პრინციპები
| ვარსკვლავები |
მნიშვნელობა |
| ⭐⭐⭐⭐⭐ (5) | უმაღლესი — გადააჭარბა მოლოდინს |
| ⭐⭐⭐⭐ (4) | კარგი — კმაყოფილი მომხმარებლები |
| ⭐⭐⭐ (3) | საშუალო — ნეიტრალური გამოცდილება |
| ⭐⭐ (2) | სუსტი — პრობლემები იყო |
| ⭐ (1) | დაბალი — უარყოფითი გამოცდილება |
რეპორტი (პრობლემის შეტყობინება)
თუ ობიექტის ინფორმაცია მოძველებულია, არასწორია ან ობიექტი დახურულია — გთხოვთ, გამოიყენოთ „პრობლემის შეტყობინება" ფუნქცია ობიექტის გვერდზე. ეს გვეხმარება ბაზა განახლებული და სანდო შევინარჩუნოთ.
მნიშვნელოვანია: GEOGID.GE არ ამოწმებს თითოეულ შეფასებას გამოქვეყნებამდე. ამიტომ ბიზნეს-მფლობელს შეუძლია მოითხოვოს ყალბი ან შეუსაბამო შეფასების წაშლა ელ-ფოსტის მეშვეობით, მტკიცებულების წარდგენით.
მუხლი 6
Premium განთავსება ბიზნესებისთვის
GEOGID.GE გთავაზობთ Premium სტატუსს, რომელიც ბიზნეს-ობიექტებს ძიების შედეგებში პრიორიტეტულ ადგილს, გამოკვეთილ ვიზუალს და დამატებით ხილვადობას ანიჭებს.
Premium სტატუსის უპირატესობები
- ობიექტი ძიებაში ყოველთვის პირველ პოზიციებზე გამოჩნდება
- სპეციალური ვიზუალური გამოყოფა (Premium badge, გამოკვეთილი ჩარჩო)
- კატეგორიის გვერდზე პრიორიტეტული განლაგება
- ძირითადი ძიების შედეგებში „სარეკლამო" ფუნქციის გარეშე ჩართვა
- ობიექტის გვერდზე დამატებითი ფოტოგალერეის ატვირთვის შესაძლებლობა (მთავარი ფოტოს გარდა, მაქსიმუმ 10 ფოტომდე), რომელთა დათვალიერებაც შესაძლებელია გადიდებულ რეჟიმში
- ობიექტის გვერდის თავზე ფონური ქოვერის ფოტოების სლაიდშოუს დამატების შესაძლებლობა (მაქსიმუმ 3 ფოტომდე)
- სპეციალური შეთავაზებებისა და აქციების განთავსების შესაძლებლობა (იხილეთ დეტალურად ქვემოთ)
- კვება და გართობა კატეგორიაში შესაძლებელია მენიუს აწყობა ასევე QR მენიუ თვქვენი ობიექტისთვის
- მაღაზიები და ვაჭრობა კატეგორიაში შესაძლებელია პროდუქციის განთავსება
- მომსახურება და ხელოსნები კატეგორიაში შესაძლებელია სერვისების შექმნა
- ჯავშნის სისტემა — შესაბამის კატეგორიებში (სილამაზისა და ჯანმრთელობის ცენტრები, ავტოსერვისი და სხვა) კლიენტს შეუძლია პირდაპირ საიტიდან მოითხოვოს ვიზიტის ჯავშანი, ხოლო ობიექტის მფლობელი ადასტურებს ან უარყოფს მოთხოვნას მართვის პანელიდან
- ფასების დაფა — საწვავის/გაზგასამართი სადგურების, ელექტრომობილების დამტენებისა და სავალუტო გადამცვლელი პუნქტების კატეგორიებში იტვირთება მარტივი, ყოველთვის განახლებადი ფასების ცხრილი
- პორტფოლიო — სამშენებლო კომპანიების, დეველოპერების, საარქიტექტორო ბიუროებისა და ინტერიერის დიზაინის სტუდიებისთვის შესაძლებელია დასრულებული პროექტების ვიზუალური გალერეის შექმნა
- უძრავი ქონების ლისტინგები — უძრავი ქონების სააგენტოებს შეუძლიათ განათავსონ ობიექტების სრული სია ფოტოთი, ფასით, ფართითა და სტატუსით
- კურსები და პროგრამები — საგანმანათლებლო კატეგორიებისთვის (საბავშვო ბაღები, სკოლები, უნივერსიტეტები, კურსები და სხვა) შესაძლებელია კურსების დასახელების, ხანგრძლივობის, ფასისა და დაწყების თარიღის ჩვენება
- B2B კატალოგი — მრეწველობის კატეგორიებისთვის შესაძლებელია პროდუქციის კატალოგის შექმნა, ფასის სურვილისამებრ მითითებით („ფასი მოთხოვნით") და მინიმალური შეკვეთის ველით
- ტურ-პაკეტები და ოთახები — სასტუმროებისთვის, ჰოსტელებისა და საოჯახო სასტუმროებისთვის შესაძლებელია ოთახის ტიპების ჩვენება, ხოლო ტურისტული სააგენტოებისთვის — ტურ-პაკეტების ჩვენება, ფოტოთი, ფასითა და ხელმისაწვდომი თარიღებით
- პირდაპირი ჩათი მომხმარებლებთან — მომხმარებელს შეუძლია მისწეროს ობიექტს შეტყობინება, ხოლო ობიექტმაც უპასუხოს პირდაპირ პლატფორმის შიგნით
სპეციალური შეთავაზებები (აქციები)
Premium სტატუსის მქონე ობიექტებს შეუძლიათ ერთდროულად განათავსონ მაქსიმუმ 10 აქტიური შეთავაზება, რომლებიც ობიექტის გვერდზე ცალკე, „შეთავაზებების" ტაბში ჩნდება — ტაბი მომხმარებელს მხოლოდ მაშინ უჩნდება, თუ ობიექტს ამ მომენტისთვის აქტიური შეთავაზება აქვს. თითოეული შეთავაზება შეიძლება ჩამოყალიბდეს ორი ფორმატით:
- პროცენტული ფასდაკლება — მითითებული ფასდაკლების პროცენტი აისახება გამოკვეთილ ბეჯზე
- ფასის ცვლილება — ძველი და ახალი ფასის ერთდროული ჩვენება (გადახაზული თავდაპირველი ფასი და გამოკვეთილი ახალი ფასი)
დამატებით, თითოეულ შეთავაზებას შესაძლებელია დაემატოს:
- საკუთარი სათაური, აღწერილობა და საჩვენებელი წარწერა (ბეჯი)
- ცალკე ფოტოგალერეა, მაქსიმუმ 5 ფოტომდე, რომელიც შეთავაზების დეტალურ ხედში კარუსელის სახით ჩანს
- მოქმედების ვადა — ვადის ამოწურვამდე დარჩენილი დრო მომხმარებელს (დღე/საათი/წუთი/წამი) სახით უჩვენებს, ხოლო ვადის ამოწურვისთანავე შეთავაზება ავტომატურად იმალება ხილვადობიდან
შეთავაზებების დამატება, რედაქტირება და წაშლა ხდება ობიექტის მართვის პანელიდან და ცვლილებები დაუყოვნებლივ აისახება ობიექტის საჯარო გვერდზე.
შეტყობინებები (ჩათი)
Premium ობიექტებს ემატებათ ჩაშენებული შეტყობინებების ფუნქცია. ნებისმიერ მომხმარებელს შეუძლია ობიექტის გვერდიდან პირდაპირ მისწეროს შეტყობინება, ხოლო ობიექტის მფლობელი მართვის პანელიდან პასუხობს — მიმოწერის ისტორია ორივე მხარეს ინახება. ეს ფუნქცია ხელმისაწვდომია მხოლოდ Premium სტატუსის მქონე ობიექტებისთვის.
გადახდა და პირობები
Premium სერვისის ღირებულება პაკეტების მიხედვით განისაზღვრება ობიექტების რაოდენობით (მცირე ან მსხვილი ბიზნესი) და არჩეული ვადით. სრული ფასების ცხრილის სანახავად ეწვიეთ პაკეტების გვერდს.
გადახდის მიმღები და სერვისის მიმწოდებელია ინდივიდუალური მეწარმე მიხეილ ბათხაძე.
საკონტაქტო ტელეფონი: 571 733 870.
იურიდიული მისამართი: ქალაქი, თბილისი გ.სააკაძის N73
გაუქმება და თანხის დაბრუნება
გეგმის გაუქმება შესაძლებელია ნებისმიერ დროს. შეძენიდან პირველი 7 კალენდარული დღის განმავლობაში შესაძლებელია თანხის სრულად დაბრუნება. 7 დღის შემდეგ უკვე გადახდილი თანხა არ ბრუნდება, მაგრამ სერვისი გააგრძელებს მოქმედებას აქტიური პერიოდის ბოლომდე.
თანხის დაბრუნების მოთხოვნა შესაძლებელია info@geogid.ge-ზე მიწერით. თანხა დაბრუნდება 5-10 სამუშაო დღის განმავლობაში.
GEOGID.GE-ზე ჩვეულებრივი (არა-Premium) ობიექტები ძიების შედეგებში გამოჩნდებიან შემთხვევითი მონაცვლეობის პრინციპით, რათა ყველა ობიექტს თანაბარი შანსი ჰქონდეს.
მუხლი 7
პასუხისმგებლობის შეზღუდვა
GEOGID.GE ცდილობს სახელმძღვანელოში განთავსებული ყველა ინფორმაცია სწორი, სრული და განახლებული იყოს. თუმცა პლატფორმა ვერ იძლევა გარანტიას ყველა ობიექტის მონაცემის სიზუსტეზე, განსაკუთრებით:
- სამუშაო საათების ან სეზონური ცვლილებების შემთხვევაში
- ობიექტის დახურვის ან მისამართის შეცვლის შემთხვევაში
- ტელეფონის ნომრების ან ვებ-გვერდების ცვლილების შემთხვევაში
- მომხმარებლების მიერ დატოვებული შეფასებების სიზუსტის შემთხვევაში
GEOGID.GE არ არის პასუხისმგებელი იმ ზიანზე (პირდაპირ ან არაპირდაპირ), რომელიც შეიძლება გამოიწვიოს საიტზე განთავსებულ ინფორმაციაზე დაყრდნობამ. მომხმარებელი ვალდებულია პასუხისმგებლობის გრძნობით გამოიყენოს ინფორმაცია და, საჭიროების შემთხვევაში, პირდაპირ ობიექტს დაუკავშირდეს.
GEOGID.GE ასევე არ არის პასუხისმგებელი მომხმარებლის მიერ განთავსებული კონტენტის (შეფასებები, კომენტარები) სიზუსტეზე — ეს სრულად მომხმარებლის პასუხისმგებლობაა.
მუხლი 8
პერსონალური მონაცემები და კონფიდენციალობა
GEOGID.GE-ის გამოყენებისას შეიძლება შემდეგი მონაცემები მუშავდებოდეს:
| მონაცემი |
დანიშნულება |
შენახვა |
| IP მისამართი |
უსაფრთხოება, თაღლითობის პრევენცია |
სერვერის ლოგები |
| GPS კოორდინატები |
ახლო ობიექტების ძიება (მხოლოდ ბრაუზერში) |
LocalStorage — არ იგზავნება სერვერზე |
| ელ-ფოსტა (ობიექტის მოთხოვნაში) |
ობიექტის დამატების მოთხოვნაზე პასუხი |
ბაზაში, მოთხოვნის დახურვამდე |
| ტელეფონის ნომერი (ობიექტის მითვისებისას) |
საკუთრების დადასტურება SMS კოდით, ბოროტად გამოყენების პრევენცია |
ბაზაში, ანგარიშთან ერთად |
| Google Analytics |
ვიზიტორების სტატისტიკა (ანონიმური) |
Google LLC სერვერებზე |
Cookie-ები და LocalStorage
საიტი იყენებს LocalStorage-ს (Cookie-ების ანალოგი) მომხმარებლის პრეფერენციების — მდებარეობის, ბანერის სტატუსის — შენახვისთვის. ეს მონაცემები მხოლოდ თქვენს მოწყობილობაზე ინახება.
GEOGID.GE არ ყიდის მომხმარებლის პერსონალურ მონაცემებს მესამე მხარეებზე. ანალიტიკისთვის გამოიყენება Google Analytics-ის სტანდარტული ანონიმიზებული კოლექცია.
მომხმარებელს უფლება აქვს ნებისმიერ დროს მოითხოვოს საიტზე მისი მონაცემების წაშლა ელ-ფოსტის გაგზავნით.
მუხლი 9
ცვლილებები, კანონმდებლობა და საჩივრები
პირობების განახლება
GEOGID.GE-ს უფლება აქვს ნებისმიერ დროს შეცვალოს ან განაახლოს ეს დოკუმენტი. ცვლილებები ძალაში შედის გვერდზე გამოქვეყნების მომენტიდან. რეგულარული გამოყენება ნიშნავს განახლებული პირობების მიღებას.
მოქმედი კანონმდებლობა
ეს შეთანხმება რეგულირდება საქართველოს კანონმდებლობით. ნებისმიერი დავა, რომელიც წარმოიქმნება ამ პირობებიდან, წყდება საქართველოს სასამართლოების იურისდიქციით.
საჩივრები და შეკითხვები
თუ ამ დოკუმენტთან, GEOGID.GE-ის ფუნქციასთან ან თქვენი მონაცემების გამოყენებასთან დაკავშირებით კითხვა ან საჩივარი გაქვთ, გთხოვთ დაგვიკავშირდეთ.